မေမေ ထာဝရပျော်ရွှင်ပါစေ
===============
ပန်းက ပန်းကိုပျိုးတဲ့
ဝတ်မှုန်တေးချင်းပါမေမေ
မေမေ့ အပြုံးဟာ
သားတို့ကမ္ဘာရဲ့ နံနက်ခင်း
သားတို့သမုဒ္ဒရာရဲ့ ရေစီးသံ
သားတို့လောကဓံရဲ့ ကျောက်ဆောင်
မေမေဟာ ပန်တျာလက်ဖဝါးနဲ့
ဆူးခင်းလမ်းကို ဖြတ်လျှောက်ရဲတဲ့ နတ်သမီး
လောကဓံကိုစီးချင်းထိုးနိူင်ခဲ့တဲ့ အောင်နိူင်သူစစ်သူကြီး
သားတို့ကို ချွေးနဲ့ပျိုး
အိပ်မက်တွေကို အတောင်တပ်ပေး
မေမေဟာဖန်ဆင်းရှင်တပါးထက်ပိုပါတယ်
မေမေဟာ အိမ်လေးတစ်လုံးပေါ့
သောက်ရေအိုးလေးတစ်လုံးလည်းဖြစ်သလို
သားတို့လင်းဖို့ မီးအိမ်လေးတစ်လုံးလည်းဖြစ်ရဲ့
မေမေ့ရင်ခွင်ကို ကမ္ဘာမှတ်
အို အေး အေး နဲ့ဆိုတေးလေးတွေ
မေမေ့လက်နဲ့ချက်တဲ့ ဟင်း
နတ်သုဒ္ဒါတစ်ရာဖန်ဆင်းလည်းမမှီခဲ့
မေမေ့ခပ်ပေးတဲ့ ယပ်တောင်
လောကဓံလှိုင်းလုံးတွေပါ ဝေးစေခဲ့တယ်
မေမေရေ . . .
နေမရှိတဲ့ ကမ္ဘာဟာ
မေမေရှိရင် လင်းပါတယ်
သားတို့ကို တချက်ရိုက်
ရိုက်တဲ့မေမေက သားတို့ထက်ပိုငိုရင်း
မေတ္တာချင်းယှဉ်တဲ့ပွဲဟာ မေမေ့ထက်ဘယ်သူမှမပိုနိူင်ခဲ့ဘူး
အိပ်ချိန်မှခိုးနမ်းတက်တဲ့ မေမေ့အနမ်းလေးတွေ
သား ဖျားတိုင်းမအိပ်ခဲ့တဲ့ ညပေါင်းတွေ
သားစားဖို့ အသား …
မေမေစားဖို့အရိုးနဲ့
ဟင်းမလောက်နဲ့ နေ့တွေဆို
ဗိုက်မဆာဘူးလို့လိမ်တက်တဲ့ မေမေ . . .
လက်ထဲက ဆေးဖိုးလေး
သားပူဖောင်းပူဆာလို့
ချောင်းဆိုးမပျောက်ခဲ့တဲ့မေမေ . . .
မေမေက ရွှေနဲ့ထွင်းတဲ့ ဘဝမှမဟုတ်တာ
ဓားထစ်တွေကို နင်းပြီး
ကလေးတွေကို နို့ချိုတိုက်
မေမေ့လက်ဖဝါးက သွေးစတချို့ဟာ
မေမေ့ရေးခဲ့တဲ့သမိုင်းစစ်စစ်တွေ . . .
မေမေရေ လောကဓံကြီးက
မိုးသားတွေရွာတိုင်း
မေမေ့ခေါင်မိုးလေးအောက် ပြေးပြေးဝင်
မေမေ့တံခါးဟာ ဘယ်တော့မှမပိတ်သလို
မေမေ့ထမင်းအိုးက ဘယ်တော့မှမကုန်
မေမေ့ရေအိုးလေးဟာ အမြဲအေးနေခဲ့တယ်နော်
မေမေရေ . . .
ဒီနေ့ , မေမေ့မွေးနေ့ ဖေဖေသာရှိရင်
ဒီအမေနဲ့ ဒီသားသမီးတွေ
ဘယ်သွားချင်သွားမလဲလို့ မေးဦးမှာ . . .
အခုတော့ . . .
မေမေ့ကြေးစည်အဆုံး ဖေဖေ့နာမည်အမျှဝေသမျှ
ဖေဖေ သိ သာဓုခေါ်လို့
မေမေနဲ့သားတို့ ပျော်နေတာကိုကြည့်
ဖေဖေကြည်နူးနေမှာပါ . . . ။
CreDit Ulay Kyi ( ကိုလင်း )
No comments:
Post a Comment